وأخاف الدنيا تفتني
وفتوة كفر تقتلني
وأموت م الخوف لكن عايش
في قبر بنيته من ظني
وأخاف إني
في سكرة موت أتوه مني
وأبات ذكرى على الهامش
مابين ميت وبين عايش
وصرخة آه تنوب عني
واسأل عني خلاني
أنا التايه في وجداني
يا أهل الجود
هلال مفقود
مابين شطين في أوطاني
يامين يلقاني ويجيبني
أصلي الجمعة جنب إبني
ولو دبحونا ميت مرة
نعيد الكرة من تاني
وبعد ما وقعت الكارثة
دفنت القلب قال لسه
لازال النبض في الجثة
بيلعن ملة الجاني
نويت والنية مفروضة
أرد أتوضا في الروضة
لاقيت الميضة مسدودة
بدمي ودم إخواني
دفنت أوجاعي في ضلوعي
وبعض ٱشلائي ف ٱحشائي
طويت الدهر في ركوعي
أفحفر عني موش لاقي
يا دوب كفين بيتوضوا
في قلب موحد المولى
وحتة كبد كان مهري
لكنه بيعشق الدولة
وطفل يادوب بيتكلم
بيسٱل دمه إيه ذنبه
وشيخ راكع ما بيسلم
خانوه خاشع في بيت ربه
وعقرب ساعة ع الحائط
وقف صامد لكن صامت
شاف الٱحداث لعن صمته
وقال يا كلاب خلاص هانت
صرخت بعلو ما فيا
يا عبد الله فين القربة
شاورلي براسه ع المدنة
وقال شهداءها في الجنة
عيون القلب موش ممكن
تشوف الروضة بيٱذن
ويغمض جفنها إلا
تصلي الجمعة في المسجد
...................................ً
0 التعليقات:
إرسال تعليق