عاشق إسكندراني

كتبه 

يسري أحمد عباس   

الصيف إسكندرية مصيف في الشتاء إسكندرية أجمل من الصيف إطلالة و مناظر خلابة و هواء نقي صفاء ذهني رائع.
ناس كثُر لا تعرف الأماكن المتواجدة في إسكندرية الممتعة في الشتاء.
أضع بين يديكم أجمل برنامج ليزيد استمتاعك عند زيارتك إسكندرية في فصل الشتاء. 

المنتزة

وهي أكبر حديقة موجودة في إسكندرية فيها قصر الملك فاروق و قصور جوارها وفيها مرسي يخوت وبحر وجناين كتير تصلح لعمل حفلات باربيكيو او إيفنتات أوت دور أو لعب ، وحاليا من كُبرها الناس بيتعلموا فيها القيادة ..

ملحوظة :

لابد الذهاب إليها صباحاً قبل دخول الليل  التذكرة ١٥ جنيه للفرد .

  مكتبة إسكندرية

 

صرح معماري عبقري وكبيرة جدا بداخلها متاحف كثيرة مثل متحف السادات ومتحف

للآثار الفرعونية والقبطية والإسلامية وأشياء أخرى كتير .. وبجوارها القبة السماوية لعمل عروض كأنك في الفضاء بالظبط ومن أجمل الأشياء التي ستستمتع بها في حياتك .. وتذكرة المكتبة ٤ جنيه .

متحف المجوهرات

 

من الأماكن التي تستمتع فيها جدا فيها مجوهرات من كل ملوك مصر وفي مجوهرات من بلاد أخري .. ومكان نظيف جدا ستستمتع به وستبهرك كمية الذهب والالماظ المتواجدة به ، التذكرة ب ١٠ جنيه .

 كوبري إستانلي

( منظره رائع  تتصور عليه صورتين حلوين او أكلة تعشقها ، طبعا ببلاش ) .

قلعة قايتباي  

 

 أحلي مكان ( تعمل فيه فوتوسيشن ) من كثرة ماهو كبير وفاضي  ،، هو عبارة عن حجران كثيرة جدا وفارغة ومن أعلاه ترى منظر حلو جداً للإسكندرية من فوق ، التذكرة ب ٥ جنيه .

المعمورة

( طبعا مينفعش حد يجي إسكندرية من غير مايروح المعمورة و ملاهي المعمورة ) لأنها جميلة ورخيصه جدا ،، غير أن المعمورة كبيرة ونظيفة ويمكن للبنات ركوب الدرجات ولن من يضايقها لتواجد أمن و شرطة نظامية

ألبان سويسرا

اللي يجي إسكندرية ولا يأكل عند ألبان سويسرا حنقوله أنت نسيت حاجة جميلة هناك ،، أي أكله هناك معموله بالجبنة ، جبنة خليط من ١٢ نوع جبنة ،، طعمة خطير .

كبدة الفلاح

أصل الكبدة الإسكندراني هي كبدة الفلاح ، بتروح تأكل ١٥ نص رغيف كبدة و تفضل  جعان من كتر حلاوتها لكن مستمتع بطعمها و سعيد  وتشرب من خروب آمال والحلو من الكنافة النابلسية اللي جنبه .

حودة جندل 

تاكل كل أنواع السمك وتغوص في السمك ومش هنقدر نطلعك لو متعرفش تعوم المهم تنبسط ،، سبب شهرته الطعم و الجودة .

الشيخ وفيق

رز بلبن بالمكسرات واتحداك تكون أكلت واحد زيه قبل كده في حياتك .

هولمز

في شارع شعراوي ،، أحلي برجر تاكله في حياتك وغالبا لازم تكون صايم قبليها ب ٤ ايام عشان تقدر تكمل الساندوتش  .

سان ستفانو وجرين بلازا وكارفور

من أشهر ٣ مولات متعة التسوق وكل واحد فيه فود كورت في كل المطاعم وداخل كل منهم سينما  تتفرجوا علي الافلام الجديدة .

شارع فؤاد

أقدم شوارع إسكندرية  الفن المعماري القديم و مطاعم كتير .

محل البن البرازيلي 

القهوة  المطحونة أمامك ورائحة القهوة قبل ما تشربها .

ده دليلك لإسكندرية .. إسكندرية احلي مكان في مصر وخصوصاً في الشتاء ، هتستمتع بيها وخصوصا لو الدنيا مطرت ، هتلاقيها مطرة ودفا في نفس الوقت
الناس حلوين و الوجوه بشوشه بتساعد كل غريب و بتقولك مرحب بيك ...

الأربعاء, فبراير 21, 2018