بقلم
يسري أحمد عباس
- مش هتلاقي إنسان هيعوضك بشئ عن شئ قد عوض ربنا عليك .. إحنا أسباب في حياة بعض و لو شفت الأمور بقلبك مش بعينيك هتلاقي إن حياتك بدايتها و نهايتها بينك إنت و الله فقط .
مين فينا يعرف يحدد ساعة ميلاده و مين يعرف لحظة وفاته .
إللي بينك وبين الناس هي الحياة بتفاصيل تفاصيلهم بأسوأها وأحلاها مجرد أحداث سريعه هتعدي سواء رضيت أو اعترضت .. ارمي حِملك علي الله و متستناش شئ من حد أشكي له و أحكى معاه فضفض له و إبكي له قول كل إللي جواك و صدقني هتلاقي رد مِنه رد هتشوفه بقلبك مش بعينيك .. أدعي له و هو سامعك حتي و قت سكوتك .. ارضيه و هتشوف رضاه عليك .. متتحوجش و متحوجش نفسك لأي إنسان الكل بيخذل و الله و بيندمك و هيندمك إنك لجأت له .. إلا ربنا بيكرم و بيجبر الخواطر و بيرضي بعطاء ملهوش حد .. إلجأ له و صدقني هتدور علي حاجة واحده بس تستاهل عليها كل النعم دى و مش هتلاقي غير إنك لجأت له و قت ضعفك و هو قواك بيه .
0 التعليقات:
إرسال تعليق