*** فين راحت فين ؟؟؟؟؟؟
خربشها الكاتب / محمود عبد العزيز فين أخلاقنا يامصريين ...... تبقى ماشى بعربية فى الشارع بسرعة أقل من العادية ومنتبه تماماً للطريق وفجأة تجد شاب وسيم
بيتكلم فى التليفون وانت فى الحارة الوسطى وكسر عليك ناحية اليمين تضرب فرملة وتاخد خبطة فى الاكصدام والباب لم يفتح ومين الغلطان بكل بجاحة يقولك ....... انا مش غلطان ..........بعد شوية تجد بائع فاكهة محتل نصف الشارع والناس تقولك بياكل عيش ومش مهم السيارات والمشاة يمشوا وياوليك لو خبطت صباع موز وانت ماشى بدون قصد ........... بعد شوية كمان توك توك وما ادراك ما التوك توك صرصار ماشى ييعطل على الارض ولكن عكس الاتجاه ويخبطك فى كتفك وأنت ماشى من غير إنذار وياريته يعتذر لالالا أنت لو كلمته وهو طبعاً عيل تسمع أجمل الألحان .............وإذا ركبت أتوبيس تجد شباب صغير جالس وبيلعب فى الموبايل وبيسمع مهرجان عزبة محسن وأنت رجل كبير واقف جانبه ماسك عكاز وإياك حتى تسند عكازك عليه وتخرجه من موود المهرجان ...........وياسلام لو روحت مدرسة إعدادى أو ابتدائى أو حتى ثانوى ترى عجايب الدنيا السبعة الطالب لا يعير المعلم أى اهتمام ومسميه بتاع 000 بتاع العلوم ، بتاع العربى ، زى بتاع الكشرى والفول الخ ................. والواد جالس مستكنيس وبياكل شيبسى وآخر بيشرب وبعد انتظار المعلم ربع ساعة يقول لأحدهم فين أدواتك ............. يتنح ويقول : " هطلعها أهو " و ينفخ وياويل المعلم لو ضربه ولا نهره عشان ممنوع الإيذاء البدنى والنفسى وممنوع العقاب بس مسموح بحرق دم المدرس ويجيله الضغط والسكر والجلطات الإيذاء النفسى والبدنى للمعلم وليس للتلميذ .
0 التعليقات:
إرسال تعليق